Мәжіліс депутаты Жигули Дайрабаев мәжіліс кулуарында журналистердің сұрақтарына жауап беріп, өзіне тағылған айыптарды жоққа шығарды, деп хабарлайды Ulysmedia.kz.
«1,5 млрд теңгені Дайрабаев жеп кетті дейді. Менің ондай құқығым да жоқ. Ол күлкілі жағдай. Қазақтар тисе терекке, тимесе терекке деп ұра береді. Оның бәрі қарау керек деп ойлаймын», - деді Дайрабаев кулуарда.
Оның айтуынша, депутат болғаннан кейін 20 жыл бұрын оқиғаны қазбалап жатыр. Жигули Дайрабаев депутат болмағанда мұндай шу шықпас еді дегенге сенімді.
«Кімнің ұйымдастырып жатқанын білем. Бірақ ол азаматтардың деңгейіне түсе алмаймын. Біріңді қазақ бірің дос, көрмесең істің бәрі бос деген Абайдың қағидасын ұстаймын. Қазақ бірін-бірі құрметтеп, жақсы көруі керек. Біздің мүдде – мемлекеттік мүдде. Басқа төмен деңгейге түсе алмаймын», - дейді ол.
Еске сала кетсек, күні кеше депутатқа Мерке мен Кеңес ауданындағы үй мен жерге байланысты әлеуметтік желіде айыптаған жазба тараған еді.
