Қаржыгер Расул Рысмамбетов Астанадағы банктердің біріндегі кепілге алу оқиғасына қатысты пікір білдіріп, банктер мөлшерлеме шарттарын қайта қарауы керектігін айтты, деп хабарлайды Ulysmedia.kz.
Сарапшы Астанадағы төтенше жағдай Қазақстан банктеріне жасалған белгі деп есептейді.
«Астанадағы Kaspi Bank филиалындағы адамдарды кепілге алу банктердің мөлшерлемелерді төмендете бастауы тиістігін аңғартты. 50% жақсы емес. Жаңадан берілген несиелер бойынша мөлшерлемелерді қайта есептейік. Дегенмен, коллекторлардың қызметін қайта қарау керек. Мұның бәрі жинақталған ашу-ызадан болып отыр. Адам шығыны болмағанына шүкір дейік», - деді ол.
Еске сала кетейік, осыған дейін қазақстандық банктердің өз мүдделерін лоббирлеуге қол жеткізгені хабарланған болатын. Бұл ақпаратты Bloomberg жариялады. Қаржы нарығын дамыту және реттеу агенттігі өткен жылы ставканы 56 пайыздан 44 пайызға дейін төмендетпек болған. Бірақ кейін елдің жоғарғы органдарынан қоңыраулар түсіп, ұсыныс кері қайтарылған-мыс.
“Қазақстандық ірі қаржылық лоббистік топ жұмыс күшінің басым көпшілігіне ұнайтын кепілсіз несиелерге анағұрлым төмен шек қою әрекетінің жолын кесті”, - дейді мәселемен таныс адамдар.
Еске салайық, 1993 жылы туған Әлихан Мұрадов Астанада банкке шабуыл жасаған. Келіссөздер екі сағаттан аспады, содан кейін арнайы жасақ шабуылды бастады. Кепілдегілердің барлығы босатылды, басқыншы ұсталды.
Толығырақ министр Ахметжанов айтып берді. Басқыншы банктің барлық активтерін мүгедек балалар, кедейлер мен мұқтаждарға арналған қорларға аударуды талап етті.
Сонымен қатар, басқыншының банктік несиелер бойынша біраз қиындықтары бар деген нұсқа бар.
Оқиға орнында полиция мен арнайы жасақ болды. Жақын маңдағы үйлердің барлық тұрғындары эвакуацияланды.
Айта кетейік, Kaspi иелері Владимир Ким мен Михаил Ломтадзе. Біріншісінің жағдайы 3 600 000 000 долларға бағаланады.
