Елордада 80 гектар аумақты шарпыған құрғақ шөп өртін сөндіру жұмыстары жалғасып жатыр, деп хабарлайды Ulysmedia.kz.
ТЖМ мәліметінше, өртті сөндіру басталғаннан бері авиация өрт ошақтарына 149 рет қатынап, көлемі 447 тонна су төкті.
“20 маусым күні сағат 20:16-да Қарағанды және Ақмола облыстарының ТЖД күштері мен құралдары үйлеріне кетті. Сөндіруге қазіргі уақытта барлығы 34 адам, 8 бірлік техника жұмылдырылды”, – делінген хабарламада.
Еске салайық, Қорғалжын тасжолы мен Қосшы қаласына айналма жол арасындағы өрт 19 маусым күні таңертең тұтанған болатын.
