Тұңғыш президенттің ағасы Болат Назарбаев сот шешімімен автокөлік базарынан айырылды, деп хабарлайды Ulysmedia.kz.
Бұған дейін сот "Барыс" базары орналасқан жерлерді мемлекетке қайтару туралы қаулы шығарған болатын. Назарбаев шешімге қарсы шығуға тырысты, бірақ апелляция оны өзгеріссіз қалдырды.
"Азаматтық істер жөніндегі апелляциялық алқа оның заңдылығы мен негізділігіне байланысты бірінші сатыдағы соттың шешімін өзгеріссіз қалдырды", - деп хабарлады сот.
Айта кету керек, әңгіме аумағы 37,6 гектер жер туралы болып отыр.
Бұған дейін Алматы облысының бұрынғы әкімі жерді Болат Назарбаевқа заңсыз сатқан.
Сот құжаттарымен кез келген адам таныса алады. Оның ішінде Қарасай ауданының бұрынғы әкімі Болатбек Құтпанов Болат Назарбаевпен бірнеше заңсыз сатып алу-сату шарттарына қол қойған.
Мәселен, 2004 жылғы 6 қыркүйекте шенеунік экс-президенттің бауырына ауданы 22,0 га жер учаскесін сатқан. Мекен-жайы: Алматы облысы, Қарасай ауданы, Қаскелең қаласының солтүстігінде.
2005 жылғы 8 тамызда Назарбаев қайтадан сол кездегі әкімнен ауданы 7,1500 га учаскені сатып алды. Мекен-жайы: Алматы облысы, Қарасай ауданы, Қаскелең қаласының солтүстігінде.
Мемлекеттік органдар Назарбаевқа тағы бірнеше учаске берген.
2004 жылдың көктемінде ол "Қарасай ауданының жер қатынастары бөлімі" ММ-нен Қаскелеңнің солтүстігінде 2,4100 га, сондай-ақ Алматы-Бішкек автожолының бойында 2,6300 га аумақты жалға алды.
2015 жылы Назарбаев аудандық жер қатынастары бөлімінен Қаскелеңнің солтүстігінде тағы 2,4100 га және Алматы-Бішкек тас жолының бойында 2,6300 га сатып алды.
2019 жылы "Қарасай ауданының жер қатынастары бөлімі" Болат Әбішұлына Қаскелең, Алматы-Бішкек тас жолындағы ауданы 2,8000 га жерді сатты.
Сот жоғарыда аталған барлық мәмілелерді жарамсыз деп тапты.
"Болат Әбішұлы Назарбаевтан мемлекет кірісіне 12 075 теңге сомасына мемлекеттік бажды өндіріп алсын", - делінген құжатта.
Болат Назарбаев – бұрынғы президент Нұрсұлтан Назарбаевтың інісі, оның есімі үнемі қазақстандық жаңалықтардың алғы шебінде жүреді. Мәселен, наурыз айында Қазнетте Болат Назарбаевтың тоқалы, әнші Динара Әлжанның сұхбаты қызу талқыланды. Ол экс-президенттің ағасымен қарым-қатынасы туралы айтып, есірткіге тәуелділігін мойындады.
