Сыртқы істер министрінің орынбасары Қанат Тұмыш Ауғанстанның Қазақстан үшін қандай қауіп төндіретінін, оны қалай болдырмауға болатынын және біздің еліміз неге тәліптермен ынтымақтасуды жөн көргенін түсіндірді, деп хабарлайды Ulysmedia.kz.
Экстремизм, терроризм және Орталық Азияға қауіп
Қанат Тұмыш брифингте Ауғанстандағы экономикалық жағдай бүкіл Орталық Азия өңірі үшін проблемаға айналуы мүмкін екенін жасырмады.
Оның айтуынша, Ауғанстан экономикасы дағдарысқа ұшырауда, халықтың үштен екісі гуманитарлық көмекке мұқтаж, ал елдің 24 миллионнан астам азаматы аш отыр.
- Мұның бәрі экстремизм мен терроризмді күшейту үшін қолайлы жағдай туғызып, бүкіл Орталық Азия өңіріне қауіпсіздікке қатер төндіреді.
- Сондықтан ауған халқына гуманитарлық көмек көрсетумен қатар, біз осы елмен сауда-экономикалық қатынастарды дамытуға баса назар аударамыз, - деді ол.
Вице-министр бүгінде Қазақстан экспорттайтын ұнның 70%-ын Ауғанстан сатып алатынын айтты. Нәтижесінде өткен жылы Қазақстан мен Ауғанстан арасындағы тауар айналымы 988 000 000 долларды құрады.
Талибан террористік ұйым емес
Журналистердің ел үкіметі Қазақстанда ресми түрде тыйым салынған қозғалыс басқаратын мемлекетпен сауда қатынастарын неге соншалықты белсенді дамытып жатыр деген сұрағына берген жауабында вице-министр Талибанның террористік ұйым емес екенін алға тартты.
- Егер бұл мәселені халықаралық құқық тұрғысынан қарастыратын болсақ, Талибан террористік ұйым емес. Егер санкция режимінің ережесін негізге алсақ, БҰҰ Қауіпсіздік орталығының санкциялар тізімінде осы қозғалыспен аффилиирленген 135 мүше мен тұлға барын айта аламын, бұл ретте ұйымның өзі бұл тізімге енбеген.
Ол бұл адамдар террорист болып саналмайтынын және халықаралық құқыққа сүйене отырып, оларды "санкцияланған адамдар"деп атауға болатынын атап өтті.
Талибан – әлемнің көптеген елдерінде, соның ішінде Қазақстанда тыйым салынған радикалды діни-саяси әскерилендірілген қозғалыс. Талибан Ауғанстанды 1996 жылдан 2001 жылға дейін басқарды. 2021 жылы американдық әскерлер Ауғанстаннан шықты, кейінірек ұйым шабуылға шығып, мемлекетті өз қолына алды.
Айта кетейік, бұдан бұрын Ауғанстанның жаңа әкімшілігі олардың дипломаттарын ҚР-да аккредиттеуді сұраған. Қазақстан олардың өтінішін орындау туралы шешім қабылдады.
