Тележүргізуші Ксения Собчак жүрген Mercedes S500 автокөлігінің жүргізушісі «Подъем» басылымына берген сұхбатында қарсы жолаққа шығу себебін түсіндірді, деп хабарлайды ulysmedia.kz.
Олег Цойдың айтуынша, көлікте отырған жолаушылар әуежайға тезірек жетуді талап еткен жоқ.
«Ешкім менен әуежайға тезірек жетуімді өтінген жоқ. Мен алдымда келе жатқан көлікті басып оздым. Ол да жылдамдығын арттырды. Мен де жылдамдығымды арттырдым. Одан кейін ол жылдамдығын азайта бастады. Соқтығысып қалмас үшін бұрылыстан кейін тежегішті бастым, одан кейін көлік рөлін басқара алмай қалдым», - деп түсіндірді жүргізуші.
Ол жүргізушінің тележүргізуші немесе іс-шараны ұйымдастырушылар жылдам жүруді талап еткен-етпегені туралы сұрағына «жоқ» деп жауап берді. Көлік жүргізушісі ешқайда кетпеу туралы қолхат жазуымен босатылды. Адам өліміне алып келген жол ережесінің бұзылу бабы бойынша қылмыстық іс қозғалды.
Еске сала кетсек, бұған дейін журналист және тележүргізуші Ксения Собчак Сочиде жол апатына ұшырағаны туралы жазған болатынбыз.
