Өзбекстанда 65 бала Үндістаннан келген Marion Biotech компаниясының дәрі-дәрмегін, соның ішінде Doc-1 Max сиробын қолданып қайтыс болды. Бұған Quramax Medikal және Pharmaceutical компанияларының қызметкерлеріне қатысты айыптау қорытындысы дәлел, деп хабарлайды Ulysmedia.kz Gazeta.uz сайтына сілтеме жасап.
Өзбекстанда үнділік Marion Biotech компаниясының дәрі-дәрмегін қолданғаннан кейін 65 бала көз жұмды. Бұл деректер «Doc-1 Max!» шәрбатын қабылдағаннан кейінгі өлімге қатысты айыптау қорытындысында жарияланған. Жоғарғы соттың баспасөз қызметінің хабарлауынша, бұған дейін билік 20 баланың қайтыс болғанын мәлімдеген, бірақ соңғы мәліметтер бұл көрсеткішті айтарлықтай арттырған.
Желтоқсан айының соңында Өзбекстанның Мемлекеттік қауіпсіздік қызметі Doc-1 Max сиробын қолдану салдарынан балалардың өліміне қатысты қылмыстық іс қозғалғанын хабарлады. Осы іс аясында импорттаушы «Quramax Medical» компаниясы мен Дәрілік заттарды стандарттау ғылыми орталығының жауапты тұлғалары ұсталды. Оқиғаға жауап ретінде Өзбекстанның Фармацевтика өнеркәсібін дамыту агенттігі Marion Biotech компаниясының барлық өнімдерін сатуды тоқтатты.
Ведомствоның мәліметінше, дәрілер зертханалық сынақтардан өтіп, сертификатталған, бірақ зерттеу барысында сапа стандарттары бұзылған. Препараттарда этиленгликоль белгіленген мөлшерден 300 есе артық табылды, онда пропиленгликоль болуы керек еді.
Фармацевтика агенттігі мен Дәрілік заттарды сараптау және стандарттау орталығының бұрынғы басшысы Сардор Қариев те ұсталып, қамауға алынды. Бұл іс бойынша тергеу жалғасуда.
