Жетісу өңірінде Ескелді ауданы Ешкіөлмес ауылында су тасқынына әкеп соққан толассыз жауын жауды, деп хабарлайды Ulysmedia.kz.
Жетісу өңірінде 12 тамызда Ескелді ауданына қарасты Ешкіөлмес ауылында қатты жауған жауынның салдарынан беткейлерден су ағып, артынша елді мекеннің төрт көшесінің аула аумақтарын су басқан», - деп хабарлады Төтенше жағдайлар министрлігі.
Оқиға орнында облыстық Төтенше жағдайлар департаментінің күштері жүр. Су басқан аумақтардың тұрғындарын ішінара эвакуациялау жұмыстары жүргізілуде.
Айта кетейік, күні кеше Астана мен Алматы көшелерін су басқан болатын. Сондай-ақ Қарағандыда ауа райының қолайсыздығы су тасқынына себеп болды.
