Сәтбаевтағы кеншілер ереуілі: "Қазақмыс" мәлімдеме жасады

«2023 жылғы 14 тамызда түнгі ауысымға түскен Сәтбаев өндірістік алаңының №65 шахтасының кеншілері мен мердігерлік ұйымдарының қызметкерлері жұмысты тоқтатқанын хабарлады. Мән-жайды білу анықтау мақсатында «Қазақмыс» басшылығы, прокуратура, ұлттық қауіпсіздік комитеті қызметкерлері және жергілікті атқарушы билік өкілдері оқиға орнына барды. Қазіргі уақытта «Қазақмыс» ЖШС басшылығы туындаған мәселелерді шешу үшін шахтерлердің бастамашыл тобымен келіссөздер жүргізіп жатыр», - делінген хабарламада.

Сондай-ақ ресми ақпаратта өңірлік жедел штабтың құрылғаны айтылады.

Бұдан бұрын хабарлағанымыздай, "Қазақмыс" корпорациясының 100-ден астам кеншісі ереуілге шықты.

Кеншілердің талабы:

• еңбек жағдайларын жақсарту;
• ескі тау-кен-шахта жабдықтарын жаңарту;
• шахталарға жұмысшыларды қабылдаудың ашылуы және жұмысшылардың жетіспеушілігінің себептерін түсіндіру;
• кейбір мамандықтарды кенжарлық топқа қосу;
• еңбекке жарамсыздық пайызын 29 дан 50-ға дейін арттыру,
• барлық ақшалай үстемеақыларды жалақыға енгізу;
• тікелей кенжарда жұмыс істейтіндер үшін демалысты 48-ден 54 күнге дейін ұлғайту.