Батыс Қазақстан облысында ҰҚК шекарашылары тоғыз адамды ұстады. Шекараны бұзушылар Еуропалық Одақ елдеріне заңсыз өтпек болған, деп хабарлайды Ulysmedia.kz.
11 тамызда мемлекеттік шекараны бұзған тоғыз адам ұсталды. Шетелдіктер өткізу пунктін айналып өту үшін шекарадан өтуге тырысқан.
"17 тамызда БҚО Бөрлі ауданының соты әкімшілік құқық бұзушылық туралы кодекстің 514-бабының 2-бөлігіне сәйкес құқықбұзушыларды жауапқа тартты", – деп атап өтті ҰҚК баспасөз қызметі.
Ведомствоның мәліметінше, 2023 жылдың басынан бастап БҚО-да шекарадан өту тәртібін бұзғаны үшін 110 шетелдік ұсталды.
Айта кетейік, бұдан бұрын Қостанай облысында 85 шетелдік заңсыз жұмыс істегені анықталған.
