Көкшетаудағы 5510 әскери бөлімше сарбаздарының жаппай ауруханаға түсуіне байланысты қызметтік тексеріс басталды, деп хабарлайды Ulysmedia.kz.
«Орталық» өңірлік қолбасшылығының мәліметінше, қазіргі кезде аталмыш әскери бөлімшеде қалған әскери қызметшілердің арасында емдеу-алдын алу іс-шаралары жүргізіліп жатыр. Қызметкерлердің жағдайына қатысты жаңа шағымдар түскен жоқ.
«Осы дерек бойынша қызметтік тексеріс жүргізілуде», - деп атап өтті ведомстводан.
Айта кетсек, бұдан бұрын Көкшетаудағы 5510 әскери бөлімшенің 50-жуық әскери қызметшісі ауруханаға түскені хабарланған. Бес сарбазда менингококк инфекциясы, төртеуінде энтеровирус инфекциясы (ішек ауруы) анықталды.
