ULYSMEDIA.KZ Жаңалықтар

Қар аралас жаңбыр, тұман, бұршақ: ертең ел өңірлерінде күн райы бұзылады

Айнель Аянова

12.09.2023, 15:31

фото: ашық дереккөзден

Синоптиктер Қазақстанда 2023 жылғы 13 қыркүйекте күн райы қандай болатынын айтты, деп хабарлайды Ulysmedia.kz.

Тағы да оқыңыздар

Астанада автобустар қозғалыс сызбасын өзгертеді

ШҚО-да қараусыз қалған бала суға кетті

Болжам бойынша, елімізде нөсер жаңбыр жауып, найзағай ойнайды, тұман түседі, жел күшейіп, бұршақ жаууы мүмкін.

"Атмосфералық фронтальды бөліктердің өтуімен Қазақстан Республикасының басым бөлігінде жаңбыр жауып, найзағай ойнайды, республиканың оңтүстік-шығысындағы таулы аймақтарда қар аралас жаңбыр жауады, республика бойынша екпінді жел соғады, түнде және таңертең тұман, солтүстікте бұршақ жауады", деп мәлімдеді "Қазгидромет" мамандары.

Сондай-ақ:

төтенше өрт қаупі – Қызылорданың орталығында, шығысында, оңтүстігінде, Атыраудың солтүстік-батысында, солтүстік-шығысында, Ұлытаудың оңтүстігінде, солтүстік-батысында, оңтүстік-батысында, шығысында, Батыс Қазақстан облыстарының орталығында;
жоғары өрт қаупі – Батыс Қазақстан, Оңтүстік Қазақстан, Жамбыл, Түркістан, Қарағанды облыстарының оңтүстігінде болжанды.

ауа райы жаңбыр қар тұман