Әнші, композитор Арман Қайназаровтың өліміне қатысы бар күдікті ұсталды, деп хабарлайды Ulysmedia.kz.
Бұл туралы Алматы қалалық полиция департаменті мәлім етті. Күдіктінің үстінен ҚР ҚК 106-бабы 3-бөлігі бойынша іс қозғалды.
«Аталған қылмысты жасады деген күдікті ізін суытпай ұсталды. Ол қамауға алынды. Оқиғаның басқа да мән-жайы анықталып жатыр», – дейді полицейлер.
Айта кетейік, бұған дейін бұқаралық ақпарат құралдарында композитордың 4 қыркүйекте «Шаңырақ» шағынауданында жігіттермен төбелесіп, алған жарақаты салдарынан жансақтау бөліміне түскені жайлы ақпарат тарады.
Өнер иесі 19 қыркүйекте қайтыс болған.
Жазда әлеуметтік желілерде Арман Қайназаровтың "бомжға" айналған видеосы тараған болатын.
