Өнеркәсіп және құрылыс министрлігінің Индустриялық даму комитетінің басшысы Азамат Паңбаев қазақстандық банктер ресейлік компаниялармен жұмыс істегендіктен батыстық санкцияларға ұшыраудан қорқатынын айтты, деп хабарлайды Ulysmedia.kz.
Паңбевтың айтуынша, санкцияларға ұшырау қаупі Қазақстаннан Ресей Федерациясына жабдықтарды жеткізу кезінде қиындықтар туғызады.
Ол сондай-ақ санкциялар машина жасау және микроэлектроника салаларындағы қазақстандық және ресейлік бизнестің өзара іс-қимылын күрделендіретінін атап өтті.
"Компаниялар арасындағы қаржылық өзара іс-қимыл. Біздің банктер санкцияларға ілінуден қорқады. Тағы бір мәселе – Ресей Федерациясына жабдықты жеткізу. Мұнда да проблемалар бар", - деді Паңбаев.
Айта кетейік, бұдан бұрын Еурокомиссия Қазақстан және Түркия тасымалдаушыларының 22 тамызда 2021 жылы енгізілген демпингке қарсы баждарды және 2022 жылы белгіленген ресейлік компанияларға қатысты санкцияларды айналып өту ықтималдығына қатысты тергеу бастағанын мәлімдеген.
Сондай-ақ, жуырда Швеция Ресеймен көршілес елдер санкцияларды айналып өтуге көмектеседі деп күдіктенетіні хабарланған.
ҚР Сыртқы істер министрінің орынбасары Алмас Айдаров біздің еліміздің де санкцияға іліну мүмкіндігі жайлы сұраққа жауап берген.
