Армения премьер-министрі Никол Пашинян қазақстандық әріптестерімен ҰҚШҰ-дан бір мезгілде шығу жөнінде консультациялар жүргізіп жатыр, деп хабарлайды Ulysmedia.kz.
Таратылған ақпаратқа сәйкес, одақтан шығу туралы консультациялар үкімет пен арнайы қызметтердің желісі бойынша жүргізілуде.
Президент Қасым-Жомарт Тоқаев бұл келіссөздерді мақұлдағаны, бірақ бейтарап позиция ұстанатыны хабарланды.
Сондай-ақ, Нұрсұлтан Назарбаевтың мұндай диалогтарға қарсы екендігі туралы ақпарат тарады, бұл туралы Кремльге мәлімделген.
ҰҚШҰ-дан шығу тақырыбы бойынша Армения мен Қазақстан үкіметтерін бастапқы үйлестіру жұмыстарын АҚШ-тың Ереван мен Астанадағы елшіліктерінің қызметкерлері жүргізді.
Пашинянның сөзінше, Армения Ресейді өз қауіпсіздігінің кепілі деп санауды тоқтатқан.
"Украинадағы оқиғаларға байланысты Ресейдің мүмкіндіктері өзгерді", - деді Пашинян.
Айта кетейік, Армения мен Ресей арасындағы қарым-қатынас соңғы жылдары, атап айтқанда, 2020 жылы Таулы Қарабақ соғысынан кейін, Ресей Арменияға ҰҚШҰ арқылы қолдау көрсетпеген соң шиеленісті.
