Дүниежүзілік банк мемлекет ұлттық банктерді қолдау үшін қанша трлн теңге жұмсағаны егжей-тегжейлі көрсетілген есеп жариялады, деп хабарлайды Ulysmedia.kz.
Мәселен, сарапшылардың есептеулері бойынша, 2009-2020 жылдар аралығында мемлекеттің ұлттық банктерге көмегі ЖІӨ-нің 9%-на жуығын құрады. Дүниежүзілік банктің бағалауы бойынша, 2020 жылғы таза шығындар салық төлеушілердің 6,3 трлн теңгесін немесе елдің ЖІӨ-нің 8,9%-ын құрады. Көмектің негізгі бөлігі – шамамен 67%-ы Halyk Bank-ке (немесе Қазкомды құтқару) бағытталса, шамамен 24%-ы Jysan Bank-ке бөлінді.
Сонымен қатар сарапшылар 2020 жылы АТФ банкке қаржылық көмегі 0,1% купонмен құрылымдалғанын атап өтті – іс жүзінде салық төлеушілердің ақшасын қайтарусыз, яғни АТФ банкирлері үшін қайтарымсыз қарыз берілген.
Дүниежүзілік банкте салық төлеушілердің нақты кірісті іске асыру үшін қаржылық көмек көрсетілген банктердің болашақ пайдасына талап қою құқығы болуы керек, бұл өсіп келе жатқан мемлекеттік қарыз бен берешектің баламалы құнының бір бөлігін жабуы немесе салық төлеушілердің қосымша қаражатын бөлмей, мемлекеттік қызметтерге инвестиция салуға құқығы болуы керек деп атап өтті.
Айта кетейік, өткен жылы Ресейдің екі ірі банкінің қазақстандық нарықтан кетуі корпоративтік кредиттеудегі бәсекелестіктің төмендеуіне ықпал етті. Ел президенті Қасым-Жомарт Тоқаевтың айтуынша, Қазақстандағы ірі экономикалық жобаларды қаржыландырумен бірнеше банк қана айналысады. Сондықтан ол елге үш сенімді шетелдік банкті тартуды тапсырды. Бұдан бұрын Ulysmedia.kz елдің қазіргі банк құрамын зерттеп, оның кейбір ерекшеліктеріне тоқталған.
