Қазақстанда Қызыл кітапқа енген сирек кездесетін құстар – дала қырандары жаппай қырылып жатыр, деп хабарлайды Ulysmedia.kz.
Бұл түрдің, әсіресе, Еуропада жойылу қаупі жоғары екендігі атап өтілді. Егер дала қыраны Қазақстанда жойылып кетсе, бұл түрдің толық дерлік жойылуын білдіреді. Құстардың популяциясына браконьерлер ғана емес, энергетика саласы да кері әсерін тигізуде.
Құстардың жаппай қырылуының негізгі себебі - құстарды қорғау үшін арнайы құрылғылармен жабдықталмаған электр желілері тіректерінің оқшаулағыштарына тиюден электр тоғының соғуы. Бұл мәселе Қазақстанның әртүрлі аймақтары бойынша мыңдаған шақырымға созылатын жоғары вольтты электр желілерімен байланысты.
Сарапшылар бұл мәселені шешу әртүрлі ведомстволар мен мүдделі тараптардың бірлескен іс-қимылын, сондай-ақ халықаралық ынтымақтастықты талап ететінін атап өтті. Өйткені қырандар мен басқа құс түрлері сирек кездеседі және қорғалады, әртүрлі елдердегі қоныс аударатын және ұя салатын жерлерде қорғауды қажет етеді.
Бұған дейін қазақстандықтар мен шетелдіктер Қызыл кітапқа енген құстарды Атырауға экспорттамақ болған.
