9 қарашада ҚР Ұлттық ұланы 6636 әскери бөлімінің сарбазы мерт болды, деп хабарлайды Ulysmedia.kz.
“2023 жылы 9 қазанда сағат 01.20 шамасында Теміртау қаласынан шақырылған 6636 әскери бөлімінің сарбазы кезекші бөлімшенің құрамындағы қызметі кезінде штаттық қарудан өз басына оқ атып, көз жұмды”, – делінген ресми хабарламада.
Оқиғаның себептері анықталуда. Қызметтік тергеу жүргізіліп жатқаны хабарланды.
ҚР Ұлттық ұланының баспасөз қызметі ҚР ҚІЖК-нің 201-бабына сәйкес өзге ақпарат жарияланбайтынын мәлімдеді.
Айта кетейік, бұдан бұрын Ұлттық ұлан офицерлері Жамбыл облысында «Айша бибі» полигонындағы оқу-жаттығу кезінде жарақат алған. Қауіпсіздікті бұзу салдарынан үш офицердің аяғы жараланды. Әскери қызметшілер Тараз қаласындағы медициналық мекемеге жеткізілгені хабарланды.
