Ұлттық ұлан офицерлері Жамбыл облысында оқу-жаттығу кезінде жарақат алды, деп хабарлайды Ulysmedia.kz.
25 қыркүйекте «Айша бибі» полигонында атыс жаттығуы кезінде Ұлттық ұлан әскери бөлімінің әскери қызметшілері арасында жайсыз оқиға орын алды. Қауіпсіздікті бұзу нәтижесінде үш офицер аяғынан жеңіл жарақат алды. Әскери қызметшілер Тараз қаласындағы медициналық мекемеге жеткізілді.
Қазіргі уақытта зардап шеккендердің жағдайы қанағаттанарлық деп бағаланды, маңызды дене мүшелері зақымданбаған.
Себептері мен мән-жайы анықталуда.
