Қай министрлікте ауыс-түйіс болды?
"ҚР Үкіметінің қаулыларымен Қажкенов Қуандық Жұмабекұлы өнеркәсіп және құрылыс вице-министрі, Әбдішев Батырбек Қадырбекұлы төтенше жағдайлар вице-министрі, Коняшкин Ростислав Анатольевич цифрлық даму, инновациялар және аэроғарыш өнеркәсібі вице-министрі болып тағайындалды" деді Үкіметтің баспасөз қызметі.
Олар кімдер?
- Қуандық Қажкенов 1984 жылы Көкшетау облысында дүниеге келген. С. Сейфуллин атындағы Қазақ аграрлық университетін, "Көкше" Академиясын бітірген. Еңбек жолын 2006 жылы жеке компанияда инженер-электрик болып бастаған.
- 2008-2009 жылдары – ғылыми-техникалық орталықта инженер-жобалаушы.
- 2009 жылдан бері "Мемсараптама" РМК құрылымында қызмет етті.
- 2021 жылдан бастап қазіргі уақытқа дейін – "Мемсараптама" РМК бас директоры.
- Батырбек Әбдішев 1977 жылы Ақтөбе облысында дүниеге келген. ҚР Қарулы Күштерiнiң Жоғарғы шекара-командалық училищесiн бітірген.Түрлі жылдары арнайы мемлекеттік органдарда, оның ішінде Ұлттық қауіпсіздік комитетінде қызмет еткен.
- Ростислав Коняшкин 1989 жылы Тараз қаласында дүниеге келген. М. В. Ломоносов атындағы Мәскеу мемлекеттік университетін, Л.Н.Гумилев атындағы Еуразия ұлттық университетін бітірген. Президенттік жастар кадрлық резервінің мүшесі.
- Еңбек жолын 2011 жылы жеке ұйымда кеңесші болып бастаған.
- Түрлі жылдары ақпараттық-коммуникациялық салада, "Азаматтарға арналған үкімет" ҚЕАҚ, Жасанды интеллект саласындағы зерттеулер мен әзірлемелерді қолдау қорында жұмыс істеген.
- 2021 жылдан бері қазіргі уақытқа дейін – "Ұлттық ақпараттық технологиялар" АҚ басқармасының төрағасы.
