×
434.58
496.46
5.68
#қаңтар қақтығысы #мұнай #әкімге үш сұрақ #лот ашар #ауыс-түйіс #кибербуллинг #коронавирус #hi-tech
434.58
496.46
5.68

Мәжілістегі жас депутаттар жыл несімен есте қалғанын айтты

29.12.2021, 18:42
Ulysmedia.kz

2021 жылдың несімен есте қалды? Ulysmedia.kz тілшісі бұл сұрақты Мәжілістің ең жас депутаттары - 26 жастағы Мәди Ахметовке, 33 жастағы Елдос Абақановқа және 35 жастағы Елнұр Бейсенбаевқа қойып көрді.

2021 жыл несімен есте қалды?

МӘДИ АХМЕТОВ

Ең бастысы – Тәуелсіздіктің 30 жылдығы. Мәжілістің жетінші шақырылымы жұмысының басталуы, ауыл әкімдерін сайлау, Президенттің жастар мен әйелдер үшін Парламентке квота бөлу туралы шешімі есте қалды.

ЕЛДОС АБАҚАНОВ

Аталған жыл біздің Мәжіліс депутаттары болып, Парламенттің төменгі палатасының 70%-ға жаңаруы орын алды. Бүгінде онда өз ісін білетін салалық мамандар көп екені қуантады.

ЕЛНҰР БЕЙСЕНБАЕВ

Бұл жыл Парламент сайлауының өткізілуімен, Nur Otan партиясының жеңісімен, праймеризбен  есте қалды. Праймериз қорытындысында жастар депутат болды. Егер Парламенттің және мәслихаттардың бұрынғы шақырылымдарында жастардан небәрі 90 адам болса, қазір олардың саны 600-ден асады. Бұл біздің партиямыз және барлық жастар үшін үлкен цифр және зор жеңіс. Мәжілісте Nur Otan-нан 35 жасқа дейінгі алты депутат, мәслихаттарда олардың 610-ы бар. Барлығы 3,5 мыңға жуық депутат, оның 2700-і – нұротандықтар. Сондай-ақ үстіміздегі жыл Қазақстан Тәуелсіздігінің 30 жылдығымен есте қалды. Мен Тәуелсіз Қазақстанда өстім.

Мәжілістің жылдың бірінші жартысындағы жұмысын қалай бағалайсыз?

МӘДИ АХМЕТОВ

Бұл шақырылымнан көптеген депутаттар әлеуметтік желілерде өздерін көрсетуде. Ең бастысы, алдыңғы шақырылымның әріптестері белгілеген қарқын сақталмауда.

ЕЛДОС АБАҚАНОВ

Мәжіліс жұмысы - бұл менің де жұмысым, сондықтан объективті баға бере алмаймын, оны сарапшылар мен талдаушылар жасасын. 16 заң жобасы жөнінде жұмыс топтарына атсалыстым. Қазір бізде белсенді 12 заң жобасы бар, маған қызметімнің түрлері – өсімдік әлемі, энергия үнемдеу, Семей ядролық полигоны жақын екенін атап өткім келеді. Тереңірек зерттеу үшін әріптестерімізбен бірге барып, қараймыз. Ботаникалық бақта, Семей полигонында болдық, заңдардың іс жүзінде қалай жұмыс істейтінін көрдік.

ЕЛНҰР БЕЙСЕНБАЕВ

Мәжілістің жұмысын өте қанағаттанарлық деп есептеймін, себебі 130-дан астам заң қабылданды. Мұндай заң жобаларының саны Қазақстан Парламентінің тарихында алғаш рет болып отыр. Оның ішінде біз 80-нен астам заң қабылдадық, соның ішінде саяси заң жобалары да болды. Президенттің тапсырмасы бойынша бюллетеньге «барлығына қарсы» бағаны енгізілді, Мәжіліс сайлауына қатысты партиялар үшін 5% шек енгізіліп, партияларды тіркеу үшін мүшелер саны қысқартылды. Менің ойымша, бұл – негізгі заң жобалары. Сондай-ақ, жануарларды қорғау және халықтың әлеуметтік осал топтарын қолдау туралы заң жобалары да болды. Жәрдемақыларды арттыру үшін қосымша шамамен 5 млрд теңге бөлінді.

Депутат болудан шаршамадыңыз ба?

МӘДИ АХМЕТОВ

Жоқ, жұмыс енді басталды. Менің ойымша ол өте жақсы, толыққанды өтуде. Келесі жылы тіпті қарқынды жұмыс істеуге тырысамыз.

ЕЛДОС АБАҚАНОВ

Жұмысқа енді кірістік, шаршамадық. Жұмыс көп, оны сол қарқынмен жалғастырамыз. Азаматтық сектормен және қандай да бір мәселелер бойынша сарапшылармен белсенді жұмыс істейтін боламыз. Біз өзара әрекетке ашықпыз.

ЕЛНҰР БЕЙСЕНБАЕВ

Жалпы жаспыз, сондықтан шаршауға ерте! Жұмысқа сақадай саймыз – тырысамыз, оқимыз, үйренеміз.

Жаңа жылды қалай қарсы аласыз?

МӘДИ АХМЕТОВ

Жаңа жылды жақындарыммен қарсы аламын, өйткені бұл отбасылық мереке. Біздің ұлттық Жаңа жылымыз үш айдан кейін келеді деп есептеймін. Жаңа жылды Алматыда туған-туыстарыммен, ата-анаммен, әжеммен қарсы алмақпын.

ЕЛНҰР БЕЙСЕНБАЕВ

Жаңа жылды дәстүрлі түрде отбасыммен қарсы аламын. Ата-анам Нұр-Сұлтанға келеді. Айтпақшы олар елордаға алғаш рет келеді. Бұрын жаңа жылды әке-шешемнің үйінде қарсы алатынбыз. Сіздерді «Нұрсая» ТК-ге мерекеге шақырамын.

ЕЛДОС АБАҚАНОВ

Жаңа жылды Нұр-Сұлтан қаласында балаларыммен, ата-анаммен қарсы аламын. Ал 5 қаңтарда Парламентке оралып, белсенді жұмыс істеуді жалғастырамыз.