Мемлекет басшысы Қасым-Жомарт Тоқаев 8 қыркүйекте өтетін парламент палаталарының бірлескен отырысында Қазақстан халқына жолдауын жариялайды, деп хабарлайды Ulysmedia.kz.
МӘН-ЖАЙ
Жиынға Сенат пен Мәжіліс депутаттары, орталық мемлекеттік органдар басшылары, Ұлттық құрылтай мүшелері, қоғам өкілдері мен еңбеккерлер қатысады.
Жолдау сағат 11:00-ден бастап республикалық телеарналардан, сондай-ақ Ақорданың әлеуметтік желілердегі ресми парақшаларынан тікелей эфирде көрсетіледі.
БҰҒАН ДЕЙІН
Президент бұған дейін 2019 жылы 2 қыркүйекте, 2020, 2021, 2022, 2023 жылдары 1 қыркүйекте және былтыр 2 қыркүйекте Қазақстан халқына жолдау жасаған.
