Ғабидолла Әбдірахымов мәдениет және спорт вице-министрі қызметінен кетті. Бұл туралы белгілі телеграм канал авторы Ербол Еділов жазды, деп хабарлайды ulysmedia.kz.
Дереккөзінің айтуынша, Ғабидолла Әбдірахымов инвестиция тарту бойынша бизнес жобалармен айналысады.
Ғабидолла Әбдірахымов 1975 жылы Оңтүстік Қазақстан облысында дүниеге келген. Қазақ мемлекеттік аграрлық университетін бітірген, "Болашақ" бағдарламасы бойынша Неміс Жоғары мемлекеттік басқару мектебінде оқыған, мемлекеттік әкімшілендіру магистрі.
Еңбек жолын 1996 жылы Қазақ мемлекеттік аграрлық университетінде тәлімгер-оқытушы болып бастаған.
1999-2008 жылдары ҚР Мемлекеттік қызмет істері агенттігінің құрылымында түрлі лауазымдарды атқарды.
2008-2012 жылдары — ҚР Премьер-Министрі Кеңсесінің басшысы.
2012-2013 жылдары — ҚР Бәсекелестікті қорғау агенттігінің төрағасы.
2013-2015 жылдары — ҚР Президент Әкімшілігі басшысының орынбасары.
2015-2017 жылдары — Шымкент қаласының әкімі.
2017-2018 жылдары — «Нұр-Отан» партиясының хатшысы.
2018-2019 жылдары — Шымкент қаласының әкімі.
2019 жылғы қараша айынан қазірге дейін ҚР Премьер-Министрінің кеңесшісі қызметін атқарды.
2021 жылы 21 қаңтарда Мәдениет және спорт вице-министрі болып тағайындалды.
