×
449.58
486.94
4.86
#қаңтар қақтығысы #сайлау #Украинадағы соғыс #Палестина #жемқорлық #тағайындау
449.58
486.94
4.86

Алматыда бір мектептің 7 оқушысы ауруханаға түсті

29.03.2023, 15:41
фото: ашық дереккөзден

 Алматыдағы №96 мектептің 7 оқушысы бұрыш баллонынан уланып қалды, деп хабарлайды Ulysmedia.kz.

Оқиғаның видеосы әлеуметтік желіде тарады.

Алматы қалалық полиция департаментінің мәліметінше, оқыс жағдай 29 наурыз күні мектеп дәретханасында үзіліс кезінде болған.

«29 наурыз күні полиция бөлімшесіне Алмалы ауданында орналасқан №96 жалпыға білім беретін мектептің 9-сынып оқушысы, қоңырау уақытында дәретханада баллоннан бұрыш шашып, соның салдарынан жанында тұрған оқушыларға иіс тиіп, уланғаны туралы хабар түсті. 7 оқушы жедел жәрдем көлігімен ауруханаға жеткізілді»,- деп хабарлады қалалық полиция департаментінен.

Аталған дерек бойынша, Алмалы аудандық полиция басқармасы оқушының ата-анасына ҚР Әкімшілік құқық бұзу кодексінің 127-бабына сәйкес шара қолданады.

Сонымен қатар материал кәмелетке толмағандар істері жөніндегі комиссияның қарауына жіберіледі.

Айта кетейік, бұдан бұрын Шымкенттегі олимпиада кезінде оқушылар астан жаппай уланып қалған еді.

Серіктес жаңалықтары