АҚШ-тың бұрынғы президенті Дональд Трампты журналист және жазушы Джин Кэрролды зорлауға оқталғаны үшін кінәлі деп танылды, деп хабарлайды Ulysmedia.kz CNN-ге сілтеме жасап.
Қазылар алқасы 1996 жылдың көктемінде Кэррол саясаткер тарапынан азғындыққа ұшыраған деп тапты.
Трамп әйелге қысым жасағаны үшін 2 миллион доллар өтемақы төлеуге міндеттелді. Сонымен қатар саясаткер Кэрролға жала жапқаны және оның беделіне нұқсан келтіргені үшін тағы 3 миллион доллар аударуы тиіс.
Трамптың өзі тағылған айыпты жоққа шығарды.
Айта кетейік, бұған дейін тағы бір әйел – 81 жастағы кәсіпкер Джессика Лидс Трамп тарапынан зорлық көргенін мәлімдеген.
Сондай-ақ 2016 жылы 11 әйел Трампты жыныстық қудалау жасады деп айыптады. Саясаткер сол кезде бұл айыптарды президенттік сайлаудағы қарсыласы, Демократиялық партиядан үміткер Хиллари Клинтонның мүддесі үшін қолдан жасалған деп атады.
