Қазақстандағы Қаңтар оқиғасы кезінде күш құрылымдары ұстап алып, жазықсыз азаптаған әрі оны бүкіл телеарналар арқылы "тәртіпсіздікке қатысқан" шетел азаматы ретінде көрсетілген қырғыз музыканты Викрам Рузахунов тергеу жайлы мәлімет берді, деп хабарлайды Ulysmedia.kz.
Музыкант бұл жөнінде әлеуметтік желіге пост жазды. Постты аударып беріп отырмыз.
«1-2 наурызда Алматы облысының арнайы прокуратурасының ұйымдастыруымен, «Бір Дуйно-Қырғызстан» құқық қорғау қозғалысының қоғамдық бірлестігіндегі Бақытбек Автандил мен Рена Кәрімованың, «Қазір Қасиет» қоғамдық бірлестігіндегі Әлия Жанзақтың қолдауымен және менің қатысуыммен
- қылмыстық іс материалдарымен таныстық (5 том);
- комиссиялық амбулаториялық сот психологиялық-психиатриялық сараптамасының нәтижелерін алдық (қазақстандық сарапшылар менің денсаулығыма ауыр зиян келтіргенін анықтады);
- бұрын анықталған полиция қызметкерлерімен 3 рет бетпе бет кездесу өткіздік.
- менімен сюжетті түсірген Алматы полициясының баспасөз қызметінің басшысымен болған бетпе-бет ставкадан, "мойындау" нокаутымен мемлекеттік телеарналар арқылы таратылған бейне ҚР ІІМ көздерінен шыққаны белгілі болды.
Жалпы мәліметтерді шындыққа сәйкес келмейді деп тану және көпшілік алдында кешірім сұрау туралы менің талабына осындай жауап алынды:
«Басшылықтан тиісті тапсырма түскен жағдайда – орындауға дайынбыз!»
- мені Тарғап ауылында ұстаған адамдар анықталды. Олардан қазірдің өзінде жауап алынды және 2022 жылдың қарашасында олармен беттестіру керек еді.
Бұл жолы 1 наурызда прокурордың көмекшісі олардың қаншасын есіме түсіре алатынымды сұрады, ал менің жауабымнан кейін ол келесі күні процедураны бастау үшін барлық құжаттарды дайындайтынын айтты.
2 наурызда прокурордың көмекшісінің хабарлауынша, «олардың фотосуреттері мен деректері ҰҚК қызметі құпияландырылған, ал сәйкестендіру үшін оларды құпиясыздандыру қажет» деген хабарлама келді.
Басқа жол да бар – менің ісімді құпияландыру деген. Ондай жағдайда менің адвокаттарыма ақпарат алу қиындайды.
Тергеу жалғасып жатыр...»
Еске сала кетсек, 2022 жылдың қаңтар айының басында Қазақстандағы жаппай наразылық кезінде Викрам Рузахуновты қазақстандық қауіпсіздік күштері ұстап алып, аяусыз ұрып, мемлекеттік телеарналар арқылы көрсеткен еді. Қырғызстан азаматтары оны танымал музыкант Викрам Рузахунов екенін танып қойған. Ол сол тұста Алматыға концертке келген. Бішкек осы оқиға бойынша Астанаға ресми нота жолдады. Резонанс аясында қазақстандық билік музыкантты босатқан. Отанына оралғаннан кейін ол азапталғанын және өзін айыпты ретінде көрсетуге мәжбүр болғанын мәлімдеді.
