Ulysmedia порталының «Qarakoz» жобасында бұл жолы Масс-медиа туралы заң жобасы талқыланды. Жұртшылықты былай қойғанда, бұл құжат жұмысына тікелей қатысты журналистердің көбінің назарынан тыс қалған. Сенатқа жолданған заң жобасына қандай жаңашылдықтар бар? Журналистер қарсы болған қандай түзетулер мен өзгерістер қалды? Қайсысы алынып тасталды? Тілшілердің депутаттар арқылы берген қандай ұсыныстары енгізілді? Осы және өзге де сұрақтар сол жұмыс тобында болған белгілі журналист Халима Тәжіқұлқа қойылды,
Мәжіліс жақында Масс-медиа туралы заңды мақұлдап, сенатқа жолдады. 2022 жылдан бері қаралып жатқан БАҚ туралы заң тұрмыстық зорлық-зомбылыққа қарсы жазаны күшейтетін заңмен қатар талқылануы тиіс маңызды құжат еді. Бірақ, журналистердің өзі осы заңға бей-жай қарады. Белсенділік танытпады.
Тоғыз ай бойы жұмыс тобында болған журналист Халима Тәжіқұл әріптестерінің немқұрайдылығы жайлы, жалпы заң шығару барысында неден ұтылып, неден ұтқандарын айтып берді.
