Дональд Трамп Украинадағы соғысты тоқтату үшін қандай жоспарларды жүзеге асырмақ? Соғыс шиеленісін тоқтата алатын қандай шаралар қабылдануы мүмкін? Неліктен АҚШ Қазақстанға Қытаймен қарым-қатынас орнатуды өз бетінше шешу керек деп кеңес береді? Ал демократиялық үрдістер бойынша Американың бізге айтар ұсыныстары бар ма? Осы және басқа да сұрақтарға Ulysmedia.kz бас редакторы Самал Ибраеваға берген эксклюзивті сұхбатында АҚШ-тың Қазақстандағы Төтенше және Өкілетті Елшісі Дэниел Розенблюм жауап берді.
Сұхбат барысында демократиялық құндылықтар, адам құқықтары және Қазақстанның ішкі мәселелері де талқыланды. Әлемде соғыс жүріп жатқандықтан, геосаясат Қазақстан үшін аса маңызды рөл атқарып отырғаны да айтылды. Дональд Трамптың билікке келуі бүкіл әлемдік қауымдастықтың саяси стратегияларын өзгерту мүмкіндігі айтылды.
Сондай-ақ, Дэниел Розенблюм АҚШ бизнесін Қазақстанда тек мұнай ғана емес, басқа да салалар қызықтыратынын атап өтті.
Айта кетерлік жайт, биыл қараша айында Дэниел Розенблюм АҚШ-тың Қазақстандағы Төтенше және Өкілетті Елшісі ретінде қызметіне кіріскеніне екі жыл толды.
Сұхбаттың толық нұсқасын Ulysmedia.kz YouTube арнасынан көріңіздер.
