Кенесарының басы қайда? Осы сұрақты қазақ ес жиғалы қойып келеді. Талай рет талпынғанмен көрші Ресейден қайтара алмай намысы жаншылған ұлтымыздың жоғын іздеуін біреулер саясиландырып жіберсе, енді біреулер күлкілі әрекет деп мысқылдайды. Егемендік жылдарында ханның басын табуға және Қазақстанға әкелуге бірнеше әрекет жасалды. Тарихшылар арнайы экспедициялар ұйымдастырды. Бірақ нәтиже жоқ. Біз дәл қазіргі идеологиямыз ақсап тұрған, геосаяси ахуал күрделеніп бара жатқан уақытта бұл тақырыпты қайта көтеруді
жұртқа керек деп таптық.
Сол себепті Ұлысмедианың соңғы ханымыз жайындағы арнайы шығарылымын ұсынамыз. Кенесары хан кім және басы қайда, неге қайтара алмай жатырмыз деген сауалдарды тарихшылар мен қоғам қайраткерлері Сұлтанхан Аққұлұлы, Уалихан Қайсаров және Заңғар Кәрімханға қойдық.
