Ұлытау облысында аса ірі мөлшерде есірткі жеткізу арнасының жолы кесілді, деп хабарлайды Ulysmedia.kz ҚР ҰҚК баспасөз қызметіне сілтеме жасап.
2024 жылдың қаңтар айы бойы ҰҚКД жедел қызметкерлері күдіктілерді назарда ұстап, есірткі құралдары мен психотроптық заттарды өткізді деген күдікпен Жезқазған және Сәтпаев қалаларының 4 тұрғынын ұстады.
Тінтулер кезінде олардан 20 кг марихуана, 2 кг гашиш, 250 грамм «альфа-PVP» психотроптық заты және 30 «марка» деп аталатын ЛСД есірткісі алынды.
Қылмыстық кодекстің 297-бабы 3-бөлігі бойынша сотқа дейінгі тергеп-тексеру жүргізілуде.
Сот санкциясымен ұсталған адамдарға қамауда ұстау түріндегі бұлтартпау шарасы таңдалды.
ҚР Қылмыстық-процестік кодексінің 201-бабы 1-бөлігіне сәйкес өзге ақпарат жария етуге жатпайды.
