×
474.83
518.99
5.4
#қаңтар қақтығысы #Украинадағы соғыс #жемқорлық #тағайындау
474.83
518.99
5.4

Тараз қаласы әкімдігі орындалмаған жұмысқа 75 млн теңге аударған

04.04.2024, 11:33
Фото: ашық дереккөз

Жамбыл облысында прокурорлар жасалмаған жұмыс үшін бюджеттен қаражаттың төлену дерегін анықтады, деп хабарлайды Ulysmedia.kz.

Тараз қаласының прокуратурасы бюджет қаражатының жұмсалуы заңдылығына жүргізген тексерудің нәтижеcінде Тараз қаласы әкімдігінің тұрғын-үй коммуналдық шаруашылық, жолаушылар көлігі және автомобиль жолдары бөлімінің әзірленбеген 4 сметалық құжаттама үшін 75 млн теңгені мердігерге негізсіз аударғанын анықтады.

Аталған дерек бойынша қала прокуратурасы ҚК-нің 189-бабы 4-бөлігінің 2-тармағымен (сеніп тапсырылған бөтен мүлікті иемденіп алу немесе талан таражға салу) қылмыстық іс тіркеді. Тергеп-тексеруді жүргізу Сыбайлас жемқорлыққа қарсы іс қимыл агенттігінің Жамбыл облысы бойынша департаментіне тапсырылды, – делінген хабарламада.

Бүгінде тергеу амалдары жүргізіліп жатыр. ҚПК-нің 201-бабына сәйкес өзге ақпараттар жариялануға жатпайды.

Серіктес жаңалықтары