Қазақстанның Ақтау қаласында күшті жарылыс болды деп хабарлайды Ulysmedia тілшісі.
Төтенше жағдай қызметінен белгілі болғандай, екі қабаттан тұратын дәмхана толық қираған. Маңғыстау облысындағы құзырлы мекемеге хабар бүгін сағ. 22-25-те түскен.
Ақтаудың 29а шағын ауданындағы “Шерқала” бизнес кешені аумағында орналасқан “Аянат” дәмханасындағы жарылыстың себебі белгісіз. Зардап шеккендер туралы ақпарат жоқ. Оқиға орнына өрт сөндірушілер, өзге де арнайы орын қызметкерлері мен техника шығып, мән-жайы анықталуда.
