КТК-ның Ақтөбедегі меншікті тілшісі Жаңалық Ахаш телефон арқылы шақырту алып, облыстық полиция департаментінде тергеуде болды. Келесі кезекте «Азаттық» радиосы мен 31 арнаның журналистері шақырылды, деп хабарлайды ulysmedia.kz.
Бұл туралы «Әділ сөз» Сөз бостандығын қорғау халықаралық қорының тілшісі жазды.
«Мені бір сағаттай тергеді. Митингіге қандай мақсатпен барғанымды сұрады, әртүрлі ұйымдардың мүшесімін бе, мүшесі емеспін бе – сол туралы сұрады», - деп жазды Жаңалық Ахаш Инстаграм парақшасына.
Еске сала кетсек, 9 қаңтардан 10 қаңтарға қараған түні полиция қызметкерлері Orda.kz мен Nur.kz-ның Ақтөбедегі меншікті тілшісі Ардақ Ерубаеваның пәтерін тінтіп, учаскеге алып кеткен.
