ТЖМ Жамбыл облысының таулы жерінде орын алған құрғақ шөп өрті оқшауланғанын мәлім етті, деп хабарлайды Ulysmedia.kz.
“Бүгін сағат 8.38-де Жамбыл облысының Т. Рысқұлов атындағы ауданында таулы жерде орын алған құрғақ шөп өрті оқшауланды. Өрт таудың басында болып жатыр, ауданы анықталуда”, – делінген хабарламада.
Оқиға орнында ТЖД жеке құрамнан 45 адам мен 6 бірлік арнайы техника, ерікті өрт сөндіру құралымдарынан 30 адам және 5 бірлік техника, орман шаруашылығынан 30 адам және 2 бірлік техника жұмылдырылды.
Айта кетейік, бұдан бұрын Абай облысына қарасты Көкпекті ауданында қамыс өртенген.
