Қаржы министрі Ерұлан Жамаубаев бөлінген қаражатты игермеген әкімдіктерді атады, деп хабарлайды Ulysmedia.kz.
Үкіметте елдің әлеуметтік-экономикалық көрсеткіші жағынан 5 айдың қорытындысы қаралды.
Меморгандардың қаражатты игере алмауының негізгі себептері ретінде Жамаубаев конкурстық рәсімдердің ұзақ жүргізілуін, шарттарды, қосымша келісімдерді жасасу рәсімдерінің ұзақ жүргізілуі, бюджеттік бағдарламаларды (кіші бағдарламаларды) іске асыру жөніндегі нормативтік құқықтық актілердің уақтылы қабылданбауын, орындалған жұмыс актілерінің, шот-фактуралардың уақытылы ұсынылмауын, есепті айда қаражатты жұмсау қажеттілігінің болмауын атап өтеді.
Жергілікті бюджеттердің шығыстарының игерілмеген сомасы – 14 млрд. теңге. Ең көп игерілмеу көрсеткіші: Астана қаласында, Қарағанды, Жамбыл және Алматы облыстарында қалыптасқан.
