Естеріңізге сала кетейік, отбасылық зорлық-зомбылық құрбаны «Хабар» телеарнасындағы ток-шоу бағдарламасына қатысқаннан кейін үлкен жанжал шыққан болатын. Бұл жағдайға қатысты Сенат спикері Мәулен Әшімбаев пікір білдірді, деп хабарлайды Ulysmedia.kz.
— «Қазақстан» және «Хабар» телеарналарының қызметіне күмәндануға негіз жоқ. Кемшіліктер болса, оны айту керек. Біздің көзқарасымызды білдіруге, позициямызды айтуға құқығымыз бар. Бұл – қазіргі қоғамда қалыпты жағдай. Бірақ бәрі конструктивті болуы керек.
«Хабар» тиісті шаралар мен шешімдер қабылдайды деп ойлаймын. Мәдениет және ақпарат министрлігі де бұл мәселені бақылауда ұстап отыр. Телеарна мен ведомство басшылығы барлық жауапкершілікті сезінеді.
— Бірақ салық төлеушілердің есебінен осындай контент дайындайтын мемлекеттік телеарналар керек пе?
— Қазір бұл тақырып қоғамымыз үшін өзекті әрі өткір екені анық. Бірақ бұл жағдайға байланысты барлық мемлекеттік арналарды бірден кінәлау мүмкін емес шығар. Олар сондай-ақ өздерінің нақты функцияларын - елдегі жағдайды хабардар ету және көрсету тұрғысынан орындайды.
Қалыпты елде әртүрлі БАҚ болуы керек - мемлекеттік және мемлекеттік емес. Қазақстанның заңына сәйкес жұмыс істейтін блогерлер болуы керек. Тараптар өздеріне қорытынды жасады деп ойлаймын.
Кеше қоғам сынына қалған «Хабар» арнасындағы «Бірақ» бағдарламасы жабылып тынғанын жазған болатынбыз. Бұл туралы әлеуметтік желіде Мәдениет және ақпарат министрі Аида Балаева жазды.
«Хабар Агенттігінің» басқарма төрағасы Кемелбек Ойшыбаев кешірім сұрады.
