Венгрия азаматы Kalifarniya сахналық есіміміне танымал өнерпаздың концерті үшін арнайы Қазақстанға келген.
Aqtobe.today парақшасының жазуынша, “Puerto Rico”, “Oi Barekeldi” және т.б. әндерімен халық арасында Kalifarniya есімімен кеңінен танылған ақтөбелік Фархат Қалиевтің концертіне шетел азаматы арнайы келді.
Парақшада 2024 жылы Қазақстанға қаңтар-қыркүйек айлары аралығында 20 383 шетелдік азамат келгені, бұл көрсеткіш өткен жылдың сәйкес кезеңімен салыстырғанда 6,5%-ға жоғарылағаны айтылады.
Kalifarniya – заманауи қазақ музыкасындағы жас әрі танымал есімдердің бірі. Оның Puerto-Rico, “Қар”, “Аспан”, “Роза”, “Ритм-Такт” секілді хит әндерінің бейнебаяндары youtube желісінде 20 млн-нан 42 млн-ға дейін қаралым жинаған. Белгілі бишіге үйленгеннен кейін әртістің өміріне тыңдармандары тарапынан қызығушылық арта түскен.
Өнерпаз қазіргі уақытта елді аралап концерт беріп жүр.
