×
433.83
482.81
5.57
#қаңтар қақтығысы #мұнай #әкімге үш сұрақ #лот ашар #ауыс-түйіс #кибербуллинг #коронавирус #hi-tech
433.83
482.81
5.57

Маңғыстау облысында қарулы күштер шеруге шыққандарды ұстады

03.01.2022, 22:17
Фото: Tengrinews.kz

Белгілі қоғам қайраткері Макс Боқаев Атыраудағы наразылық шарасында ұсталды. Маңғыстау облысының тағы бірнеше белсендісі ұсталды, деп хабарлайды ulysmedia.kz.

lada.kz-ның мәліметінше, Жаңаөзен тұрғындарының талабын қолдау үшін алаңға шыққан Макс Боқаевтың ұсталғанын оның жақтасы Талғат Аян хабарлады.

«Макс Боқаевты көтеріп, алаңнан Атырауға алып кетті», - деді Аян Facebook парақшасында.

Қазір Жаңаөзен мен Маңғыстау облысының басқа аймақтарында газ бағасының қымбаттауына наразылық шаралары жалғасуда. Шерушілер үкіметтің отставкаға кетуін де талап етуде.

Қарулы күштердің бүкіл аймақта наразылық білдірушілерді ұстағаны хабарланды. ҚазТАГ-тың мәліметінше, елді мекендердегі полиция наразылық білдірушілерді қоршауға алып жатыр.

«Үкімет отставкаға кетуі керек! Енді олар (газ бағасын) 35 теңгеге дейін түсірсе де келіспейміз», - деді кәсіподақ жетекшісі Әмин Елеусінов.

Еске сала кетсек, 2 қаңтарда ондаған жаңаөзендік Маңғыстау облысының әкімі Нұрлан Ноғаев пен Жаңаөзен қаласының әкімі Мақсат Ибағаровтың атына бейнеүндеу жазып алған болатын. Жаңаөзендіктердің айтуынша, 1 қаңтардан бастап «көгілдір» жанармай бағасы күрт көтеріліп, 120 теңгеге дейін көтерілген.

Тұрғындар жалақының өспей тұрғанын ескеріп, сұйытылған газдың құнын 60 теңгеге дейін төмендетуді сұрады. Сондай-ақ Маңғыстау облысында газ тапшылығын тоқтатуды талап етті.

Энергетика министрлігі газ бағасы сұраныстың артуына байланысты өсіп отырғанын түсіндірді. Министрлік сұйытылған мұнай газын тұтыну жыл сайын артып келе жатқанын, ал өндіру көлемі өткен жылдар деңгейінде сақталып отырғанын атап өтті.