Ұлттық экономика министрі Әлібек Қуантыров Қазақстанда көлік салығы жойылмайтынын мәлімдеді, деп хабарлайды Ulysmedia.kz.
«Бұдан былай көлік салығына қатысты мәселе талқыланбайды. Ол қала береді», – деді министр Мәжіліс кулуарында.
Жуырда Қуантыровтың орынбасары Азамат Әмрин көлік салығы жойылуы мүмкін екенін айтқан. Ол үкіметте көлік салығын бензинге арналған акцизге ауыстыру нұсқасы талқыланып жатқанын мәлімдеген.
Айта кетейік, бұдан бұрын Ұлттық экономика министрі 40-50 млн теңгеден астам табыс табатындар еселеп салық төлейтінін мәлімдеді.
"Жалпы жүктеме бөлінеді. Қаржы секторына қосымша жүктеме түседі, өйткені банктер есебінен алынған пайданың бір бөлігін алып тастау керек. Табыс саласына жүктеме сән-салтанат салығын енгізу арқылы артады. Жеке тұлғаларға келсек, біз жылына 40-50 млн теңгеден астам табыс табатындар үшін прогрессивті ЖТС енгізуді қарастырамыз. Сондай-ақ депозиттер мен бағалы қағаздарға инвестициялар үшін салық салуды қарастырамыз. Бірақ бұл табысы төмен адамдарға әсер етпейді", - деп сендірді Қуантыров.
UBS қаржы холдингі ұсынған әлемдік әл-ауқат туралы есепке сүйенсек, Қазақстанда 57,965 долларлық миллионер бар.
Сондай-ақ, қазақстандықтардың меншігіндегі яхталар туралы мәлімет берілген.
Жуырда Дүниежүзілік банк Қазақстанға байлыққа немесе мұраға салынатын салықты енгізу мүмкіндігін қарастыруды ұсынды.
