Дүниежүзілік денсаулық сақтау ұйымының (ДДСҰ) басшысы Тедрос Гебрейюс Астанаға келіп, барша Қазақстан азаматтарына ұсыныс білдірді, деп хабарлайды Ulysmedia.kz.
Бұл іс-шараға қатысу үшін 800-ден астам адам тіркелген, олардың арасында ДДҰ басшысы Тедрос Гебрейюс, ДДСҰ-ның Еуропа бойынша аймақтық директоры Ханс Клюге, Қазақстан Республикасының Денсаулық сақтау министрі Ажар Ғиният, елордалық денсаулық сақтау ұйымдарының медицина қызметкерлері, Астана медицина университеті студенттері, түрлі спорт түрлерінен Олимпиада чемпиондары және олардың денсаулығын күтетін қарапайым медицина қызметкерлері бар. Доктор Тедрос Гебрейюс жарысқа қатысушыларды құттықтап, алғашқы медициналық-санитарлық көмектің адамдардың денсаулығын жақсартудағы маңызды рөлін атап өтті.
Дүниежүзілік денсаулық сақтау ұйымының басшысы барша қазақстандықтарды зиянды әдеттерден арылуға, алкоголь мен темекі шегуге қарсы тұруға, белсенді өмір салтын сақтауға шақырды.
«2018 жылы Алматы декларациясының 40 жылдығына орай біз осындай іс-шараны өткізген болатынбыз, ал бүгін Ботаникалық бақтағы осы жерге оралып, ағаштардың қалай өскенін көргеніме қуаныштымын. Түрлі қолдау мен азаматтардың арқасында денсаулық сақтау саласы да дамып, нығайып келеді. Бүгінгі мүддеміз де осы марафонның мақсатымен бірдей: сөздерді іс-әрекетке айналдыру және барлығына денсаулық сақтауды насихаттау, денсаулыққа қолжетімділікті қамтамасыз ету», - деп атап өтті доктор Гебрейюс.
Іс-шараға қатысушылар үшін медициналық шатырлар ұйымдастырылды, онда қызығушылық танытқандар диагнозын анықтап, қан қысымын өлшей алады.
