Қазақстан 120 елмен бірге Таяу Шығыста тез арада атысты тоқтатуды талап ететін қарарды қолдады, деп хабарлайды Ulysmedia.kz.
Көпшілік дауыспен БҰҰ Бас ассамблеясы бір топ араб елдері ұсынған Израиль мен Хамас арасында Газа секторындағы атысты тоқтатуды талап ететін қарарды мақұлдады. Бұл қарарға 120 ел дауыс берді, Израиль мен АҚШ-ты қосқанда 14 ел қарсы болды. Тағы 45 ел, оның ішінде Украина да қалыс қалды.
Резолюцияға қарсылық білдірген елдер қатарында Австрия, Хорватия, Чехия, Гватемала, Венгрия, Израиль, Маршалл аралдары, Микронезия, Науру, Папуа-Жаңа Гвинея, Парагвай, Тонга және АҚШ болды. Қалыс қалған елдер: Эстония, Канада, Финляндия, Германия, Греция, Үндістан, Ирак, Италия және Жапония болса, резолюцияны қолдағандар Ресей, Армения, Әзербайжан, Беларусь, Қытай, Франция және Испания болды. Кейбір елдер дауыс беруден қалыс қалды.
Бұған қоса, БҰҰ Бас ассамблеясы Канада ұсынған және АҚШ қолдаған ХАМАС-тың Израильге қарсы шабуылдарын айыптайтын түзетуді қабылдамады.
Еске салайық, 7 қазанда Хамас шабуылы нәтижесінде еврейлердің 1400 адамы қырылып қалған болатын, оның ішінде 500 бала қаза тауып, 200-ден астамы кепілге алынған. Дәл осы күні Израиль Газаға 17-ші күннен бері жалғасып жатқан ауқымды әуе шабуылын бастады. Палестина билігінің денсаулық сақтау министрлігінің мәліметінше, мұнда қаза тапқандар саны 5 мыңнан асты, оның 2055-і балалар. 15 мыңнан астам палестиналық жарақат алды. Тағы 1000-ға жуық адам қираған ғимараттардың астында жоғалып кетті. Олардың тірі екендігіне іс жүзінде үміт жоқ. Газа секторында 30-дан астам израильдік бала кепілде отыр.
Сондай-ақ, жақында американдық The New York басылым Таяу Шығыстағы жағдайға түсініктеме беріп, Израиль балаларын қорғауға тырысып, Газа балаларын өлтірудің қажеті жоқ екенін атап өтті.
