×
445.66
474.58
4.78
#БишімбаевСоты #су тасқыны #қаңтар қақтығысы #Украинадағы соғыс #жемқорлық #тағайындау
445.66
474.58
4.78

Сағынтаев Жұмагелдиев пен Құдайбергеннің сотына шақырылды

07.12.2023, 08:16
Коллаж: ulysmedia.kz.

Алматының бұрынғы әкімі Бақытжан Сағынтаев елдегі атышулы сот ісіне куәгер ретінде шақырылды, деп хабарлайды Ulysmedia.kz дереккөзі.

1 маусымда Сағынтаев Қазақстан атынан Еуразиялық экономикалық комиссияның алқа мүшесі болып тағайындалған.

2019 жылдан 2022 жылдың қаңтарына дейін Сағынтаев Алматы әкімі болды. Қаңтардағы оқиғалардан кейін қазақстандықтар оны отставкаға жіберуді талап еткен еді.

Арман Жұмағелдиев, Қайрат Құдайберген, Руслан Ысқақов және басқа да айыпталушылардың сот процесі 21 қыркүйекте жабық режимге ауыстырылған еді. Істе "құпия" деген белгімен өтіп жатқан, бірақ соған қарамастан өз өмірлерінен қорқатын жәбірленушілердің өтінішін судья бірнеше күн бойы қарады. Айыпталушылардың бірі — ҰҚК 5-ші департаментінің басшысы Руслан Ысқақовтың мәлімдемесінен кейін бақылаушылардың ешқайсысы сот залы жабылатынына күмәнданбаған.

Еске сала кетейік, ұлттық қауіпсіздік комитетінің 5-ші департаментінің бұрынғы бастығы Руслан Ысқақов Қаңтар оқиғасы кезінде өзіне Нұрсұлтан Назарбаевтың немере інісі Самат Әбіш бұйрық бергенін мәлімдеген болатын.

Содан бері сот процесі жабық өтіп жатыр. Қоғамдық қорғаушылар мен адвокаттар ештеңе жарияламауға міндеттелгендіктен үнсіз.

Еске сала кетейік, Жұмагелдиев 2022 жылдың 7 қаңтарында ұсталған еді. Оған атыс қаруын заңсыз сақтады және 2022 жылдың қаңтарында болған тәртіпсіздіктерге қатысты айып тағылып, онымен бірге тағы бес күдікті ұсталған. Бас прокуратура Жұмагелдиевтің қарулы адамдары 24 бейбіт азаматты – кездейсоқ өтіп бара жатқан адамдарды ұрлап, күштеп ұстады деп мәлімдеді.

Бұған дейін Жұмагелдиев президент Қасым-Жомарт Тоқаевқа бейне үндеу жазған болатын. Ол өзінің қылмыстық ісін "объективті, айыптау жағына бұрмай" тергеуді сұрады. Жұмагелдиевтің Қаңтар оқиғасынан кейін сотты болғандармен қатар өзін де рақымшылыққа лайықпын деп есептейді.

Адвокаты биыл маусымда сотталушы Жұмагелдиевтің құқық қорғау органдары тарапынан азаптау және басқа да заңсыз әрекеттер фактісі бойынша сотта жеңіске жеткенін хабарлаған. Дәл сол уақытта «Дикий Арманмен» бірге «қаңтар оқиғасы кезінде наразылық білдірушілердің басын қосып, топ ұйымдастырды» деп айыпталған Алматы қаласы мәслихатының бұрынғы депутаты Қайрат Құдайберген порталымызға тергеу камерасынан жолдаған жазбаша жауабында қаңтар оқиғасы жайлы өз нұсқасын айтып берген еді.

Серіктес жаңалықтары