×
447.89
476.78
4.79
#БишімбаевСоты #су тасқыны #қаңтар қақтығысы #Украинадағы соғыс #жемқорлық #тағайындау
447.89
476.78
4.79

Kazenergy компаниясындағы ауыс-түйіс: Құлыбаевтың орнына Мырзағалиев жайғасты

08.12.2023, 14:40
Коллаж Ulysmedia

Kazenergy компаниясында кадрлық өзгерістер орын алды, деп хабарлайды Ulysmedia.kz.

Компанияда Kazenergy мұнай-газ және энергетика кешені ұйымдарының қазақстандық қауымдастығының басшысы болып Мағзұм Мырзағалиев сайланғанын хабарлады.

Тиісті шешім 8 желтоқсанда Алматыда өткен кеңестің күндізгі отырысында қабылданған.

Осылайша, Мырзағалиев бұрынғы президенттің күйеу баласы Тимур Құлыбаевты орнынан келді. Айта кету керек, Құлыбаев компанияны 20 жылға жуық басқарды.

Kazenergy

Kazenergy мұнай-газ және энергетика кешені ұйымдарының қазақстандық қауымдастығы 2005 жылғы 2 қарашада мұнай-газ саласындағы кәсіпкерлікті дамытуды қолдау мақсатында құрылды.

Қауымдастық мұнай-газ, электр энергетикасы және атом өнеркәсібінде қызмет ететін компанияларды біріктіреді.

Тимур Құлыбаев

Тимур Құлыбаев әйелі Динарамен бірге Forbes Kazakhstan нұсқасы бойынша "Қазақстанның ең ықпалды 50 бизнесмені – 2023" рейтингінде екінші орын алады. Олардың байлығы 4 300 000 000 долларға бағаланады.

Айта кетейік, жақында Испанияның Ллорет-Де-Мар курорттық қаласында Құлыбаевтар отбасының үлкен сәнді вилласы жанжалдың ортасында қалғаны хабарланды.

Оның иелері учаскелерді біртіндеп кеңейте отырып, жақын маңдағы аумақтарды басып алды. Осылайша, жағалауға апаратын жалғыз ыңғайлы жолды жауып тастаған.

Айта кету керек, олар Каталония қалалық кеңесінің қабырғаларды бұзу және тұрғындар мен туристер үшін жаяу жүргіншілер жолын ашу талаптарын орындамауда.

Дереккөздердің хабарлауынша, олардың көп деңгейлі сарайында отбасылық жұп Динара мен Тимур Құлыбаевтар жиі қонақтарын қабылдайды.

Мағзұм Мырзағалиев

Мағзұм Мырзағалиев 2022 жылдың сәуір айында "ҚазМұнайГаз" ұлттық компаниясының басшысы болып тағайындалды. Бірнеше жыл бұрын мұнай және газ вице-министрі; энергетика министрінің орынбасары, экология, геология және табиғи ресурстар министрі, энергетика министрі болып жұмыс істеді.

Серіктес жаңалықтары