Биыл қаңтар-қараша айларында ғана ҚР сотқа дейінгі тергеп-тексерулердің бірыңғай тізілімінде "алаяқтық" бабы бойынша 40 мыңнан астам қылмыстық құқық бұзушылық тіркелген. Жалпы шығын 97 млрд теңгені құрайды, деп хабарлайды Ulysmedia.kz.
Бұл ретте, мұндай бұзушылықтардың жартысына жуығы интернет-алаяқтыққа тиесілі – 19,9 мың жағдай. Бұдан әрі төлем карталарын пайдалана отырып алаяқтық жасау – 267 жағдай, несиелеу саласында – 53 жағдай және ақшалай қаражатты қарызға алу арқылы – 41 жағдай тіркелген.
Алаяқтық фактілерінің көбі Алматыда орын алған (8,5 мың жағдай). Антилидерлер тізімінде: Астана – 6,5 мың жағдай және Қарағанды облысы – 3,3 мың жағдай есепке алынған.
Ал ең төмен көрсеткіштер Ұлытау (397 жағдай), Қызылорда (615 жағдай) және Жамбыл (806 жағдай) облыстарында тіркелді.
Жыл басынан бері 6 мың азамат жауапкершілікке тартылған.
