×
449.58
486.94
4.86
#қаңтар қақтығысы #сайлау #Украинадағы соғыс #Палестина #жемқорлық #тағайындау
449.58
486.94
4.86

Бүгін - Халықаралық қар барысы күні

23.10.2021, 10:12
Фото: ашық дереккөз

23 қазан – Халықаралық қар барысы күні. Бұл күн 2013 жылы Бішкектегі қар барысын қорғау туралы өткен дүниежүзілік форумда бекітілді, деп хабарлайды ulysmedia.kz.

ҚР Экология министрлігінің баспасөз қызметінің мәліметінше, қар барысы таралу ауқымы мен саны азая бастаған жыртқыш ретінде Қазақстанның Қызыл кітабына енген. Экология, геология және табиғи ресурстар министрлігі елімізде 130-ға жуық қар барысы бар екенін мәлімдеді. Олар Іле Алатауы, Жоңғар Алатауы, Көлсай көлдері, Катон Қарағай, Сайрам-Өгем, Шарын, Алтын Емел МҰТП, Ақсу-Жабағылы және Алматы мемлекеттік табиғи қорығы сияқты 9 ерекше қорғалатын табиғи аумақтарда мекендейді.

БҰҰ Даму бағдарламасы аясында «Қар барысын сақтау жөніндегі ұлттық іс-қимыл жоспары» әзірленді. Жоспардың мақсаты – қар барысының популяциясын ғылыми зерттеу. Фототұзақ арқылы «Алтын-Емел» МҰТП аумағын да қар бырысы мекен ететіні анықталды. Мұнда қар барысының отбасы тіркелген.

Қар барысы 2700-5000 метр биіктікте өмір сүреді. Құйрығының ұзындығы 1 метрге, денесінің ұзындығы 2,1 м жететіндері де кездеседі. Қар барысы Қазақстаннан бөлек Қытай, Моңғолия, Индия, Непал, Қырғызстан, Пәкістан, Тәжікстан, Ресей, Ауғанстан, Бутан, Өзбекстан жерлерінде де кездеседі. Жер бетіндегі қар барысының жалпы саны 4-6 мың аралығында.

 

Серіктес жаңалықтары