31 желтоқсан сағат 15.00-ден бастап ШҚО аумағындағы облыстық маңызы бар Шемонаиха-Секисовка (0-54 км) автожолдарда көлік қозғалысына шектеу енгізілді, деп хабарлайды Ulysmedia.kz Аltaynews сайтына сілтеме жасап.
“ОблШығысжол” ЖШС ақпараты бойынша, көктайғақ пен боранға байланысты аталмыш учаскеде барлық автокөліктердің қозғалысына тыйым салынады.
Естеріңізге салсақ, бүгін республикалық маңызы бар жолдардың 5 учаскесінде шектеу енгізілген болатын.
Қазіргі уақытта республикалық маңызы бар автожолдарды күтіп ұстауға 482 бірлік техника және 750 адам жұмылдырылды.
