Париж жазғы Олимпиадасының басталуына алты айдан астам уақыт қалды. 26 шілдеде жалауы желбірейтін дүбірлі додаға әлемнің 200-ден аса елінен 10 мыңнан астам спортшы қатысады, деп хабарлайды Ulysmedia.kz.
Париж Олимпиадасында 32 спорт түрінен 329 медаль жиынтығы сарапқа салынады. Әзірге Қазақстанға спорттың 8 түрі бойынша 17 лицензия бұйырды.
17 жолдаманы садақ ату, велошоссе, оқ ату, қазіргі бессайыс, грек-рим және еркін күрес, бокс, спорттық гимнастикадан иелендік.
Париж Олимпиадасына дейін 90-ға тарта лицензия таратылатын турнир бар. Бұл ретте, отандастарымыз көп жолдамаға қол жеткізіп, Франция төрінде жасындай жарқылдайды деген сенім мол.
