Клуб әкімшілері ойынның нәтижесін реттеп отырған, деп хабарлайды Ulysmedia.kz.
ІІМ және ҰҚК қызметкерлері бүкіл Қазақстан бойынша 326 лото-клубтар желісін таратты. Трансляцияны жүргізген онлайн-казино серверлері бұғатталды.
"Назарда ойын мекемелеріне қамқорлық жасаған, сондай-ақ лото клубтарының қызметкерлері мен клиенттеріне қатысты қылмыстар жасаған қылмыскерлер болды. Күзетшілер мен әкімшілер VIP-клиенттер үшін интимдік қызметтер ұйымдастырған. Есірткіні қолдану фактілері тіркелді", - деді ІІМ.
Іс бойынша 400-ден астам адам ұсталды, олардың сегізі – негізгі ұйымдастырушылар. Кейбіреулері жақын және алыс шетелдердің азаматтары. Олар ұйымдасқан қылмыстық топқа басшылық жасады деп айыпталып отыр.
Тінту кезінде 23 қару, 247 млн теңге, 55 млн рубль, 125 мың доллар тәркіленді. Бүгінгі бағам бойынша жалпы сома жарты миллиард теңгеден асады.
Естеріңізге салсақ, Қазақстанда шенеуніктер мен әскерилердің ойын мекемелеріне баруына тыйым салынған болатын.
