×
450.61
488.91
4.97
#қаңтар қақтығысы #сайлау #Украинадағы соғыс #Палестина #жемқорлық #тағайындау
450.61
488.91
4.97

Дүниежүзілік көшпенділер ойындарына қанша спортшы қатысады

03.02.2024, 13:02
Ашық дереккөзден

Астанада V Дүниежүзілік көшпенділер ойындарын өткізуге белсенді дайындық жүргізіліп жатыр. Жылдың басты оқиғаларының бірі қыркүйек айында өтеді, деп хабарлайды Ulysmedia.kz.

107 мемлекет қатысуға ниетті

Астана қаласы әкімдігі баспасөз қызметінің мәліметінше, 8-14 қыркүйек аралығында өтетін көшпенділер ойындарына жүзден аса елдің 4000-ға жуық өкілі қатысады деп жоспарланған. Қазірдің өзінде бұл ауқымды іс-шараға 107 мемлекет қызығушылық танытқан.

110 медаль сарапқа салынады

Ойындар 3 негізгі бағыттан тұрады: спорт, мәдениет, ғылым. Мәселен, спорттың 20 түрінен 110 медаль сарапқа салынады. Спорттық бағдарламада ұлттық ат спорты, ұлттық күрес түрлері, дәстүрлі садақ ату, аң аулайтын құстармен аң аулау және зияткерлік спорт түрлері бойынша жарыстар өткізіледі. Сондай-ақ көрме бағдарламасына 10 түрлі этникалық спорт түрі кіреді.

Спорттық бағдарламаның нысандары сызықтық жүйе бойынша бір-біріне өте жақын орналасқан.

Қатысушыларды қонақ үйден жарыс орнына дейін ыңғайлы тасымалдау пысықталды.

Жарыстар қайда өтеді

Ойындарды өткізу үшін елорданың 6 негізгі спорттық инфрақұрылымы бекітілді: "Астана-Арена" стадионы, Ж.Үшкемпіров атындағы жекпе-жек сарайы, "Алау" мұз айдыны сарайы, "Қазақстан" жеңіл атлетика спорт кешені, "Думан" қонақ үй кешені, "Қазанат" ипподромы.

Мәдени бағдарламаның негізгі алаңы "Қазанат" ипподромына іргелес "Көшпенділер әлемі" этноауылы болмақ.

Ұлттық музейде этноспортты дамытудың түрлі аспектілері зерттелетін халықаралық ғылыми-практикалық конференция өтеді.

Ойындарды ұйымдастыруға 1000-ға жуық ерікті қатысады. Волонтер болуға 18 жастан асқан кез келген астаналықтың мүмкіндігі бар.

Серіктес жаңалықтары