Грекия парламенті біржынысты некеге рұқсат беретін заң жобасын мақұлдады, деп хабарлайды Ulysmedia.kz.
Грекия мұндай шешімді қабылдаған алғашқы православ мемлекет. Ал әлемдегі 37-ші ел. Заң біржынысты ерлі-зайыптыларға бала асырап алуға мүмкіндікті, ерлі-зайыптыларға толық ата-ана құқығын береді. Десе де, оларға суррогат ана болу арқылы ата-ана болуға тыйым салынады.
Грекияда жүргізілген сауалнамалар елде біржынысты некені жақтаушылар мен қарсыластар саны шамамен тең екенін көрсеткен.
Заң жобасын 176 депутат қолдаған, 76 адам "қарсы" дауыс беріп, екі депутат қалыс қалған, тағы 46 адам отырысқа келмеген.
